గడ్డం ఉంచుకుని మీసం తీసేసే ముస్లింలు ఉగ్రవాదుల

గడ్డం ఉంచుకుని మీసం తీసేసే ముస్లింలు ఉగ్రవాదులని.. దేశంలో, ప్రపంచవ్యాప్తంగా వేళ్లూనుకుంటున్న ఉగ్రవాదానికి వారే కేంద్ర బిందువులని ఉత్తర్‌ప్రదేశ్ షియా సెంట్రల్ వక్ఫ్‌బోర్డు చైర్మన్ వసీం రిజ్వీ విమర్శించారు.

గడ్డం పెంచుకోవడం అనేది ఇస్లాంలో ఆచారంగా ఉన్నప్పటికీ ఇలా మీసం తీసేయడం మంచి పద్ధతి కాదని తెలిపారు. రిజ్వీ మాట్లాడిన వీడియో సామాజిక మాధ్యమాల్లో వైరల్‌గా మారింది. మీసం లేకుండా గడ్డం పెంచుకునే ముస్లింలు చాలా భయంకరంగా కనిపిస్తారు. అలాంటి ముస్లింలే ఉగ్రవాదులు. వీరు ప్రపంచవ్యాప్తంగా ఉగ్రవాదాన్ని వ్యాపింపజేస్తున్నారు. ప్రజల్లో భయాందోళనలను కలిగించే ఉద్దేశంతోనే వారు గడ్డం ఉంచుకుని మీసం తీసేస్తున్నారు అని రిజ్వీ మండిపడ్డారు.

షరియా చట్టాల పేరిట ప్రజల వ్యక్తిగత జీవితాల్లో జోక్యం చేసుకునేదివారే. ఇస్లాంతో సంబంధం లేని ఫత్వాలను జారీచేస్తుంటారు అని విమర్శలు గుప్పించారు. కేరళలో ఓ బాలిక గంధం బొట్టు పెట్టుకున్నదని మదర్సా నుంచి బహిష్కరించడాన్ని తప్పుబట్టిన ఆయన.. ఈ దేశంలోని మహిళలు సింధూరం ధరిస్తారు. ఈ పవిత్ర ఆచారాన్ని నిషేధించడం సాధ్యం కాదు అని పేర్కొన్నారు. వివిధ వర్గాల మధ్య శతృత్వ భావనను రెచ్చగొట్టేలా ఫత్వాలను జారీచేసే ముల్లాలపై దేశద్రోహం కేసులు పెట్టాలని ఆయన ప్రభుత్వానికి విజ్ఞప్తిచేశారు.

0 Comments Write your comment

    1. Loading...